कर्करोगाच्या उपचारात वापरल्या जाणाऱ्या औषधांच्या मंजुरीच्या प्रक्रियेत बदलाचे संकेत आहेत. विषय तज्ज्ञ समितीने (एसईसी-ऑन्कोलॉजी) एकूण ८ औषधे आणि उपचारांशी संबंधित प्रस्तावांना मंजुरी दिली.यात ६ इंजेक्शन आणि २ गोळ्यांचा समावेश आहे. प्रत्येक प्रकरणात अशी अट घालण्यात आली. कंपनीला भारतात टप्पा-४ वैद्यकीय चाचणी करावी लागेल. रुग्णांवरील याच्या परिणामांचा आराखडा ३ महिन्यांत जमा करावा लागेल. फुफ्फुसाच्या कर्करोगावरील उपचारासाठी डॉ. रेड्डीज लॅबोरेटरीजच्या निव्होलुमॅब इंजेक्शनला मंजुरी दिली. याच्या आणखी उपयोगांनाही मंजुरी मिळाली आहे, मात्र सर्व प्रकरणांत टप्पा-४ चा अभ्यास करण्यात आला. ब्रिस्टल-मायर्स स्क्विब इंडियाच्या निव्होलुमॅब आणि रिलेटलिमॅब या संयुक्त औषधाच्या इंजेक्शनच्या टप्पा-४ चाचणी प्रस्तावात बदल सुचवले. आता देखरेख आवश्यक या निर्णयांवरून कर्करोगाच्या औषधांच्या मंजुरीची पद्धत बदलताना दिसत आहे. आता औषधांना मंजुरी देतानाच हे निश्चित करण्यात आले आहे की, ती बाजारात आल्यानंतर भारतीय रुग्णांवर टप्पा-४ चाचणीद्वारे त्यांची सातत्याने तपासणी केली जाईल. अनेक औषधांना अमेरिका आणि युरोपच्या मंजुरीच्या आधारे परवानगी देण्यात आली. टप्पा-४: बाजारात मंजुरी नंतरची वैद्यकीय चाचणी फेज-४ चाचणी ही असा अभ्यास आहे. तो एखाद्या औषधाला बाजारात मंजुरी मिळाल्यानंतर केला जातो. यामध्ये सामान्य रुग्णांवर प्रत्यक्ष परिस्थितीत औषधाचा वापर करून त्याचा प्रभाव, सुरक्षितता आणि संभाव्य दुष्परिणामांवर लक्ष ठेवले जाते.