प. बंगालच्या मुख्यमंत्री ममता बॅनर्जी यांनी ईदच्या नमाजानंतर येथील रेड रोडवर भाजप आणि केंद्र सरकारवर आपला हल्ला अधिक तीव्र केला. त्यांनी आरोप केला की बंगालमध्ये अघोषित राष्ट्रपती राजवट लागू करण्यात आली आहे आणि एसआयआरच्या माध्यमातून लोकांचे मतदानाचे हक्क काढून घेण्याचे प्रयत्न केले जात आहेत. ममता यांनी भाजप आणि केंद्र सरकारला सर्वात मोठे घुसखोर असेही म्हटले. ममता यांनी मोदींवर परदेशात मैत्रीची भाषा वापरून देशात परतल्यावर हिंदू-मुस्लिम वाद सुरू केल्याचा आरोप केला. त्या म्हणाल्या, “परदेशात तुम्ही नेत्यांशी हस्तांदोलन करता आणि मैत्रीबद्दल बोलता. पण भारतात परतल्यावर हिंदू-मुस्लिम मुद्दा सुरू होतो आणि लोकांना घुसखोर म्हटले जाते. याउलट, तुम्ही आणि तुमचे सरकार सर्वात मोठे घुसखोर आहात.” तामिळनाडू: भाजपला ३० जागा मिळू शकतात चेन्नई. तामिळनाडू विधानसभा निवडणुकीसाठी उमेदवारी अर्ज दाखल करण्याच्या अंतिम मुदतीला ९ दिवस शिल्लक असताना, एआयएडीएमकेच्या नेतृत्वाखालील एनडीए आघाडीत जागावाटपाची वाटाघाटी निर्णायक टप्प्यात पोहोचली. सूत्रांनुसार, एआयएडीएमके २३४ पैकी अंदाजे १६० ते १७० जागा लढू शकते. एआयएडीएमके सरचिटणीस एडप्पाडी के. पलानीसामींच्या दिल्ली दौऱ्यानंतर जागा निश्चित झाल्या. विधानसभानिवडणूक 2026 तिरुवनंतपुरम | केरळ विधानसभा निवडणुकीत नेमोम मतदारसंघातून निवडणूक लढवत असलेल्या भाजपचे प्रदेशाध्यक्ष राजीव चंद्रशेखर यांनी शनिवारी उमेदवारी अर्ज दाखल करताना ९३ कोटी रुपयांपेक्षा जास्त किमतीची जंगम व स्थावर मालमत्ता जाहीर केली. चंद्रशेखर यांच्या जंगम मालमत्तेमध्ये १९९४ साली १०,००० रुपयांत केलेल्या १९४२ मॉडेलची ‘रेड इंडियन स्काउट’ बाइक आहे. पुद्दुचेरी: २७.९९ कोटी रु. मुख्यमंत्र्यांची मालमत्ता पुद्दुचेरी | पुद्दुचेरीचे मुख्यमंत्री एन. रंगस्वामी यांनी प्रतिज्ञापत्रात एकूण मालमत्ता २७.९९ कोटी रुपये जाहीर केली. रंगस्वामी यांच्या जंगम मालमत्तेचे मूल्य २१.२५ लाख रुपये असून, त्यात दोन मोटारसायकली, दोन कार, १२ ग्रॅम सोन्याची अंगठी व १२ ग्रॅम मोत्यांच्या साखळीचा समावेश आहे. रंगस्वामी यांनी सांगितले की, त्यांच्या मालकीची शेतजमीन किंवा व्यावसायिक इमारत नाही.